現時，MCL戲院設有不同信用卡全年優惠。另外，透過特定網上渠道可享特定戲院網上買飛免手續費！
(1) 指定付款方法/會員全年優惠
目前，於MCL購票，正價門票使用EPS易辦事、PPS繳費靈、恒生信用卡、中銀「HK購」信用卡即享9折優惠。視乎付款方法，優惠可能只限票房或網站，詳情可參閱MCL官方網站「銀行優惠」。另外，只要免費簡單註冊MCL MAX會員，即可享全年正價門票9折優惠！
(2) MCL指定戲院網上免手續費！
我哋發現，「MCL CINEMAS PLUS+ 荷里活戲院」於MCL網站網上購票係$0手續費㗎！不過其他MCL戲院就仍然有收取手續費。CINEMAS PLUS+係MCL及英皇戲院合作品牌，視乎戲院會維持以MCL (荷里活廣場) 或 英皇戲院 (大圍站圍方) 營運。而主要由MCL營運嘅MCL CINEMAS PLUS+ 荷里活戲院，可能就因為英皇有份所以都跟從英皇戲院，推出網上買飛免手續費！
另外，位於新鴻基地產沙田新城巿廣場嘅「MOVIE TOWN」於新地商場「The Point」App網上購票亦係$0手續費㗎！不過經普通MCL官網或者App就冇呢個優惠喇！
顧客可以下載The Point App註冊成為會員，於App內選擇「新城市廣場」，並選擇頂部相關廣告，或者「玩樂 > 上映電影」就可以購票！
不過，付款只限VISA、Mastercard或者American Express，不接受八達通或PPS。另外亦無法使用一般MCL之信用卡優惠。
(3) 恒生MMPOWER信用卡MCL免手續費！
恒生MMPOWER信用卡(原稱為MPower) 專享MCL網上購票免手續費。首先，持卡人需要喺恒生網站登記推廣，隨即會獲得一個專屬優惠碼，於MCL官網買飛時輸入該優惠碼，並以恒生MMPOWER信用卡付款，即享免手續費優惠！